കിണ്ണം

അടുക്കളയില്‍ അരി കഴുകാനും ഭക്ഷണം കഴിക്കാനുംഉപയോഗിക്കുന്ന പാത്രമാണ് കിണ്ണം. ഓട് ഉപയോഗിച്ചാണ്‌ കിണ്ണം നിര്‍മിക്കാറുള്ളത്. ചിത്രത്തില്‍ കാണുന്നപോലെ പല വലുപ്പത്തില്‍ കിണ്ണം നിര്‍മിച്ചു കാണപ്പെടുന്നു.

ഉപ്പുമരി

അടുക്കളയില്‍ ഉപ്പ് സൂക്ഷിക്കാന്‍ ഉപയോഗിച്ചിരുന്ന മരപ്പാത്രമാണ് ആണ് ഉപ്പുമരി. അടപ്പുള്ളതും അടപ്പില്ലാത്തതുമായി രണ്ട് വിധത്തില്‍ ഇവ നിര്‍മ്മിക്കാറുണ്ട്.
അറുപത് വര്‍ഷത്തിലധികം പഴക്കമുള്ള ഉപ്പുമരിയാണ് ചിത്രത്തില്‍ കാണുന്നത്.

തെരിയ

മണ്‍ ചട്ടി, കലം തുടങ്ങിയ പാത്രങ്ങള്‍ നിലത്ത് ചെരിഞ്ഞുപോകാതെ വയ്ക്കാന്‍ അടുക്കളയില്‍ ഉപയോഗിക്കുന്ന ഉപകരണം ആണ് തെരിയ. സാധാരണ വൈക്കോല്‍ , ചൂടിക്കയര്‍ , കവുങ്ങിന്‍ പട്ട തുടങ്ങിയവ ഉപയോഗിച്ച് വിവിധതരം തെരിയകള്‍ നിര്‍മ്മിക്കാറുണ്ട്. ഇത്തരം തെരിയകള്‍ വര്‍ഷങ്ങളോളം ഈട് നില്‍ക്കാറുണ്ട്. ചിത്രത്തില്‍ കാണുന്നത് പത്ത് വര്‍ഷത്തിലധികം പഴക്കമുള്ള ചൂടിക്കയറും വൈക്കോലും ഉപയോഗിച്ച് നിര്‍മ്മിച്ച തെരിയയാണ്. താല്‍കാലിക ആവശ്യങ്ങള്‍ക്കായി ഉണങ്ങിയ വാഴയിലകൊണ്ടും തെരിയകള്‍ ഉണ്ടാക്കാറുണ്ട്.